Kronikë

Ishin bllokuar në një terren të thepisur në Alpe, dy turistët francezë shpëtohen pas 8 orësh operacioni

12:15 - 15.08.23 E.P
GSH APP Download on Apple Store Get it on Google Play

Dy  turistë francez të cilët kishin mbetur të bllokuar në një zonë të thepisur pranë përroit të Cutit, janë lokalizuar dhe ndihmuar nga policia e Shkodrës.




Mësohet se njëri nga turistët ka shfaqur komplikime shëndetësore dhe tani ai është nën kujdesin e mjekëve nga ku raportohet se është jashtë rrezikut për jetë.

Njoftimi i policisë:

Shkodër/Policia Alpine e FNSH Shkodër, 8 orë operacion gjatë natës, për kërkimin, lokalizimin dhe shpëtimin e 2 turistëve francezë.

2 turistët mbetën të bllokuar në një zonë tejet të vështirë malore, dhe njëri prej tyre pati komplikime shëndetësore.

Rreth orës 19:00, salla operative e Policisë së Shkodrës ka marrë njoftim se 2 turistë francezë kishin mbetur të bllokuar në një terren shumë të thepisur, pranë përroit të Cutit dhe se njëri prej tyre kishte shfaqur komplikime shëndetësore (temperaturë të lartë). Menjëherë pas këtij njoftimi, drejt zonës së sinjalizuar, janë nisur efektivët e Policisë Alpine të FNSH Shkodër, të ciliët janë të trajnuar dhe të pajisur, për t’iu shkuar në ndihmë qytetarëve dhe turistëve të cilët gjatë eksplorimeve, mbesin të bllokuar në terrene të vështira malore.

Si rezultat i veprimeve të specializuara të skuadrës së Policisë Alpine, si dhe asistencës së banorëve të zonës, 2 turistët janë lokalizuar rreth mesnatës, janë shoqëruar deri në një zonë të aksesueshme nga automjeti i Policisë dhe më pas janë transportuar me këtë automjet, në spitalin e Shkodrës.

Shtetasi që shfaqi komplikime shëndetësore vijon të marrë asistencë mjekësore në spitalin e Shkodrës, dhe është jashtë rrezikut për jetën.

Turistët falënderuan punonjësit e Policisë Alpine, për gatishmërinë e treguar, si dhe për ndihmën e ofruar.

Skuadra e Policisë Alpine fton çdo qytetar/turist që gjendet në një nevojë që lidhet me detyrat funksionale të kësaj njësie, të kërkojë ndihmë, dhe ndërhyrja e specializuar do të jetë e menjëhershme.


Shfaq Komentet (0)

Shkruaj nje koment

Your email address will not be published. Required fields are marked *

* *

This site uses Akismet to reduce spam. Learn how your comment data is processed.